作者：邱誌賢

一、
      在你我生活周邊，有真濟(很多)美，真濟有智慧，啟示環境，乎你我學習成長，埧雅社區報，每期都有特色，這期要報橫山永和宮。有一次的機會，就是台中縣麥之鄉產業推廣協會，舉辦社區導覽研習，聘請阮大雅文化協會前理事長，林豊宗老師，才知大雅最早媽祖廟，尚熱鬧的所在是『橫山永和宮』。

      永和宮正對面壁上，有兩幅字畫，我特別將伊攝影起來，這兩幅字畫是舊時代19世紀、20世紀前的台灣俗語，今天來佮大家分享，個人對台灣俗語研究，先來分享其中一幅，『戇尪嫌某醜，賢女敬尪婿』。

      台灣人在過去農業社會生活中，有讀冊家庭不濟(多)，只有大地主員外府宅內，才有請老師來教漢學，其他沒讀冊的家庭，他們的文化教育，攏是用著俗語、佮身教做家庭教育，乎(予)序小學習成長。

     『憨尪嫌某醜，賢女敬尪婿』這句話，是舊時代序大教育序小，尪媒或者新婚夫妻，要互相尊敬、互相欣賞優點，不通某娶過門，沒過幾年着嫌東嫌西、嫌肝嫌胗，嫌某醜。

 

二、
      查甫人攏無想到，牽手嫁乎你了後，全心全力佮尪共同打拼經營家庭、生兒育女、做田裡工課(工作)，忘記把自己粧乎媠媠(美美)，穿插(着)隨便，這個時袸憨尪着嫌某醜。


三、

       在舊時代社會、家庭、攏卡(較)有倫理觀念，那(若)有誰人做不對時，厝邊隔壁、序大阿伯、阿姆、阿叔、阿嬸、大兄、大姊、攏會佮你教示(說你二句)，做不對也人人攏驚(怕)人知。        四德(四得)

剩飯要全吃

 

脾氣要全受

 

大話要全聽

 

家事要全做

 

賺錢要全交